"The starting point of all achievement is DESIRE.
Keep this constantly in mind.
Weak desire brings weak results,
just as a small fire makes a small amount of heat."
- Napoleon Hill
4-2. ຜູ້ເຂົ້າຮ່ວມ - ຫົວໜ້າຄະນະຊາວໜຸ່ມ (Participants - National Leader (NL))
a) ການຄັດເລືອກ NL
ລັດຖະບານຂອງແຕ່ລະປະເທດ ແມ່ນຕ້ອງແຕ່ງຕັ້ງ NL ຜູ້ໜຶ່ງ (ອ່ານວ່າ “ເອັນແອັວ” ເຊິ່ງແປວ່າ “ຫົວໜ້າຄະນະຊາວໜຸ່ມ”) ເພື່ອນໍາພາ PY ຈາກປະເທດຕົນ ແລະ ທັງຍັງເປັນສະມາຊິກ COC. ລັດຖະບານຍີ່ປຸ່ນ ແມ່ນໃຫ້ຄໍາເຫັນວ່າ NL ຄວນມີຄຸນສົມບັດດັ່ງນີ້:
i) ຢູ່ໃນໄວ 30 ຫຼື 40 ປີ;
ii) ເຄີຍເຂົ້າຮ່ວມໂຄງການ SSEAYP ໃນຖານະ PY ຜູ້ໜຶ່ງມາກ່ອນ;
ເຖິງແນວໃດກໍ່ຕາມ, ລັດຖະບານຍີ່ປຸ່ນ ແມ່ນຈະເຄົາລົບໃນການຕັດສິນໃຈຂອງລັດຖະບານແຕ່ລະປະເທດ ໃນການຄັດເລືອກ ແລະ ແຕ່ງຕັ້ງ NL ຂອງຕົນ.
Learni Logo source: (Add Before Publishing)
b) ໜ້າທີ່ ແລະ ຄວາມຮັບຜິດຊອບຂອງ NL
ໜ້າທີ່ ແລະ ຄວາມຮັບຜິດຊອບທີ່ NL ຄວນປະຕິບັດຕາມຕະຫຼອດຈົນຈົບໂຄງການ ແມ່ນໄດ້ລະບຸດັ່ງຂ້າງລຸ່ມນີ້:
(ໜ້າທີ່ ແລະ ຄວາມຮັບຜິດຊອບຂອງ NL)
ຫົວໜ້າຄະນະຊາວໜຸ່ມ (NL) ແມ່ນມີບົດບາດນໍາພາຄະນະຊາວໜຸ່ມຂອງປະເທດຕົນ, ໃຫ້ຄໍາແນະນໍາແກ່ PY ຄົນອື່ນໆໃນເວລາຈໍາເປັນ ແລະ ຕິດຕາມການປະຕິບັດລະບຽບ ແລະ ຂໍ້ກໍານົດຕ່າງໆສໍາລັບຄວາມປອດໄພພາຍໃນເຮືອຂອງ PY ຈາກປະເທດຕົນ.
ໜ້າທີ່ ແລະ ບົດບາດຂອງ NL ທີ່ໄດ້ກໍານົດໄວ້ສະເພາະ ແມ່ນມີດັ່ງນີ້:
1. ຮັກສາກົດລະບຽບ ແລະ ຂໍ້ກໍານົດຕ່າງໆ, ປະພຶດດ້ວຍມາລະຍາດອັນດີ ແລະ ເປັນແບບຢ່າງໃຫ້ແກ່ PY;
2. ເຂົ້າຮ່ວມປະຊຸມກັບຄະນະປະຕິບັດງານເດີນທະເລ (COC) ພ້ອມທັງປຶກສາຫາລື ແລະ ຕັດສິນໃຈບັນຫາພື້ນຖານ ທີ່ກ່ຽວຂ້ອງກັບກິດຈະກໍາພາຍໃນເຮືອ ໂດຍອີງຕາມ Guideline ກ່ຽວກັບໂຄງການເດີນທະເລອາຊຽນ-ຍີ່ປຸ່ນ ຄັ້ງທີ 45 ເປັນຕົ້ນ;
3. ຕິດຕາມວ່າ PY ຈາກປະເທດຕົນ ແມ່ນຮັບຮູ້ ແລະ ເຂົ້າໃຈກ່ຽວກັບເນື້ອໃນຕ່າງໆທີ່ໄດ້ຂຽນໄວ້ໃນ Guideline ຫຼື ທີ່ໄດ້ກໍານົດໂດຍ COC ພ້ອມທັງໃຫ້ຄໍາແນະນໍາແກ່ PY ຄົນອື່ນໆໃນການປະຕິບັດຕາມແຜນການເຄື່ອນໄຫວໂຄງການຢ່າງເອົາໃຈໃສ່;
4. ດໍາເນີນກອງປະຊຸມຂອງປະເທດຕົນ (contingent meeting) ແລະ ຮັບປະກັນການສື່ສານກັນໃຫ້ເປັນລະບຽບຮຽບຮ້ອຍພາຍໃນກອງປະຊຸມຂອງປະເທດຕົນ ລວມທັງບອກຕໍ່ຂໍ້ມູນ ແລະ ແຈ້ງການຕ່າງໆທີ່ໄດ້ປະກາດໂດຍຄະນະນໍາພາໂຄງການ;
5. ໃຫ້ຄໍາແນະນຳແກ່ Group Leader Meeting, Discussion Program Steering Committee ຫຼື Sub-Committee ຕາມທີ່ໄດ້ຮັບການມອບໝາຍໃນເວລາທີ່ຈໍາເປັນ;
6. ຕິດຕາມເບິ່ງ PY ທີ່ເຂົ້າຮ່ວມໃນຫົວຂໍ້ສົນທະນາວິຊາການ (Discussion Program) ວ່າມີລັກສະນະແນວໃດ ແລະ ທັງຕິດຕາມເນື້ອໃນທີ່ເຂົາເຈົ້າສົນທະນາກັນ. ພ້ອມນັ້ນຍັງໄດ້ເຂົ້າຮ່ວມໃນວຽກງານເຄື່ອນໄຫວຫຼັງຈົບໂຄງການ (Post-Program Session) ຂອງປະເທດຕົນ ເພື່ອໃຫ້ຄໍາແນະນໍາຮ່ວມກັນກັບ OBSC;
7. ກະກຽມຄໍາປາໄສໃນງານສໍາຄັນຕ່າງໆເຊັ່ນວ່າ ພິທີເຄົາລົບທຸງຊາດ;
8. ຊີ້ນຳນຳພາ PY ໃນການປະຕິບັດຕາມແຜນເຄື່ອນໄຫວ ທີ່ວາງອອກໂດຍລັດຖະບານທີ່ກ່ຽວຂ້ອງ ຫຼື ໂດຍຄະນະຕ້ອນຮັບ ແລະ ຮ່ວມມືກັບຄະນະນໍາພາໂຄງການເພື່ອຄວາມເປັນລະບຽບຮຽບຮ້ອຍ ແລະ ຄວາມປອດໄພໃນລະຫວ່າງການລົງເຄື່ອນໄຫວເຮັດກິດຈະກຳໃນປະເທດໃດໜຶ່ງ (country program);
9. ນຳພາປະເທດຕົນ ແລະ ດູແລຮັບຜິດຊອບກຸ່ມເຮັດກິດຈະກໍາ (Solidarity Group (SG)) ໃນລະຫວ່າງການລົງເຄື່ອນໄຫວເຮັດກິດຈະກຳໃນປະເທດເຈົ້າພາບ;
10. ສາມາດຕິດຕໍ່ໄດ້ໂດຍ PY ຈາກປະເທດຕົນດ້ວຍໂທລະສັບ ແລະ ກຽມພ້ອມສໍາລັບເຫດສຸກເສີນຕະຫຼອດເວລາໃນລະຫວ່າງການລົງເຄື່ອນໄຫວເຮັດກິດຈະກຳໃນປະເທດເຈົ້າພາບ;
11. ໃຫ້ການຊ່ວຍເຫຼືອ ແລະ ສະໜັບສະໜູນ PY ຈາກປະເທດຕົນທາງດ້ານຮ່າງກາຍ ແລະ ຈິດໃຈທຸກໆຄັ້ງໃນຍາມຈໍາເປັນ ເພື່ອໃຫ້ເຂົາເຈົ້າສາມາດເຂົ້າຮ່ວມເຮັດກິດຈະກໍາຕ່າງໆໄດ້ໂດຍປາສະຈາກບັນຫາໃດໆ;
12. ເຂົ້າຮ່ວມງານລວມລຸ້ນໃນເຮືອ (Reunion Party Onboard) ຢູ່ແຕ່ລະປະເທດ;
13. ລາຍງານໃຫ້ກັບລັດຖະບານປະເທດຕົນໃຫ້ຮັບຊາບກ່ຽວກັບການປະເມີນ ແລະ ຄໍາແນະນໍາຕໍ່ກັບກິດຈະກໍາທີ່ຈັດຢູ່ໃນປະເທດທີ່ເຮືອລົງຈອດ (country program) ທີ່ໄດ້ຖືກຍົກຂຶ້ນມາເປັນປະເດັນໃນ COC ເພື່ອທີ່ຈະໄດ້ທົບທວນຄືນ ແລະ ປັບປຸງໃຫ້ດີຂຶ້ນໃນຄັ້ງຕໍ່ໆໄປ;
14. ເຂົ້າຮ່ວມກອງປະຊຸມຕໍ່ໄປນີ້:
1) ກອງປະຊຸມສະຫຼຸບໃນ COC
ກອງປະຊຸມສະຫຼຸບໃນ COC ແມ່ນກອງປະຊຸມໜຶ່ງທີ່ລັດຖະບານທີ່ກ່ຽວຂ້ອງ ແລະ ຄະນະຕ້ອນຮັບເຂົ້າໄປໃນເຮືອເພື່ອທີ່ຈະຢືນຢັນກັບ NL ກ່ຽວກັບກິດຈະກໍາຕ່າງໆທີ່ຈະຈັດຂຶ້ນໃນປະເທດຂອງຕົນ ໃນເວລາທີ່ເຮືອມາຮອດທ່າເຮືອ.
2) ກອງປະຊຸມອື່ນໆທີ່ທາງຄະນະນໍາພາໂຄງການໄດ້ຮຽນເຊີນ NL ໃຫ້ເຂົ້າຮ່ວມ.
15. ຮ່ວມມືກັບຄະນະນໍາພາໂຄງການໃນນາມຫົວໜ້າຄະນະຊາວໜຸ່ມຈາກປະເທດຕົນ ເພື່ອຄວາມເປັນລະບຽບຮຽບຮ້ອຍ ແລະ ຄວາມປອດໄພຂອງໂຄງການ;
16. ປະຕິບັດຕາມຄໍາແນະນຳຂອງຄະນະນໍາພາໂຄງການ ທີ່ກ່ຽວຂ້ອງກັບການຈັດຕັ້ງປະຕິບັດ ແລະ ແຜນການຂອງໂຄງການ.