"Ask, and it will be given to you;
search, and you will find;
knock, and the door will be opened for you."
- Jesus Christ
2-4. ງານສະແດງສິລະປະວັດທະນະທຳຂອງແຕ່ລະປະເທດ (National Presentation)
National Presentation ແມ່ນນຳສະເໜີເລື່ອງລາວດ້ານຕ່າງໆຂອງປະເທດຂອງຕົນ. PY ຈະຕ້ອງກະກຽມກິດຈະກຳນີ້ໂດຍບໍ່ໃຫ້ຂັດກັບກິດຈະກຳອື່ນໆທີ່ຢູ່ໃນເຮືອ. ເນື່ອງຈາກວ່າ National Presentation ບໍ່ແມ່ນກິດຈະກຳທີ່ຈັດຂຶ້ນເພື່ອການເເຂ່ງຂັນ, ດັ່ງນັ້ນ, PY ຄວນເອົາໃຈໃສ່ກ່ຽວກັບການແຕ່ງກາຍ ແລະ ເຄື່ອງປະດັບຕ່າງໆ ລວມທັງວິທີນຳສະເໜີໃຫ້ມີຄວາມລຽບງ່າຍຫຼາຍທີ່ສຸດ. ໃນ National Presentation ຄວນຄຳນຶງເຖິງ PY ຄົນອື່ນໆ ລວມເຖິງຄວາມປອດໄພເຊັ່ນ: ບໍ່ຄວນໃຊ້ ປຸມເປົ້າ ແລະ ບັ້ງພຸພາຍໃນງານ.
ແຕ່ປະເທດ (contingent) ຕ້ອງສົ່ງໃບຂຶ້ນແຜນ (planning paper) ໃຫ້ກັບຄະນະນຳພາໂຄງການ (Administration) ກ່ອນມື້ງານໜຶ່ງມື້.
ຂ້າງລຸ່ມນີ້ແມ່ນເນື້ອໃນກຳນົດ National Presentation.
a) ເນື້ອຫາ
ເພື່ອເເນະນຳກ່ຽວກັບວັດທະນະທຳຮີດຄອງປະເພນີ, ປະຫວັດຄວາມເປັນ, ເອກະລັກປະຈຳຊາດ, ສະພາບແວດລ້ອມປັດຈຸບັນຂອງຊາວໜຸ່ມພາຍໃນປະເທດ, ສະຖານະການຂອງຊາວໜຸ່ມໂດຍລວມໃນປັດຈຸບັນ ແລະ ອື່ນໆ ໂດຍຜ່ານການສະແດງດົນຕີ, ຟ້ອນລຳ, ລະຄອນຕະຫຼົກ, ການບັນຍາຍ, ວິດີໂອ ແລະ ອື່ນໆ
LPY 2018's NP onboard the ship source: Screenshot from Lao Participating Youth 2018's YouTube Channel
b) ວັນທີ
ວັນທີແມ່ນໄດ້ກຳນົດໄວ້ສຳລັບແຕ່ລະປະເທດແລ້ວ
c) ເວລາ
ເວລາ 75 ນາທີ (ການຈັດເວລາມີດັ່ງນີ້)
i. 10 ນາທີ: ນຳສະເໜີຂໍ້ມູນເບື້ອງຕົ້ນເຊັ່ນ: ປະຫວັດຄວາມເປັນມາຂອງປະເທດຕົນ, ລັກສະນະປະຈຳຊາດ ແລະ ອື່ນໆ
ii. 20 ນາທີ: ນຳສະເໜີຂໍ້ມູນກ່ຽວກັບສະພາບແວດລ້ອມປັດຈຸບັນຂອງຊາວໜຸ່ມພາຍໃນປະເທດຂອງຕົນ
iii. 45 ນາທີ: ແນະນຳກ່ຽວກັບວັດທະນະທຳ-ຮີດຄອງປະເພນີ ຜ່ານສິລະປະດົນຕີ, ການຟ້ອນລຳ, ການສະແດງຕະຫຼົກ ແລະ ອື່ນໆ
d) ການກະກຽມ
ເລີ່ມແຕ່ 17:00 ໂມງ ເປັນຕົ້ນໄປ
e) ການຕົກແຕ່ງ
ຫ້າມຖິ້ມຮ່ອງຮອຍໃດໆໄວ້ຢູ່ໃນເຮືອ ເຊັ່ນ: ກາວ ຫຼື ເຂັມຄັດ ທີ່ຈະເຮັດໃຫ້ພື້ນ ຫຼື ຝາເປັນຮອຍ, ສີ ຫຼື ຜົງແປ້ງ ທີ່ເຊັດອອກຈາກພົມປູພື້ນບໍ່ໄດ້