1. ການຂຶ້ນເຮືອຂອງຕົວແທນສະມາຄົມອະດີດຜູ້ເຂົ້າຮ່ວມ (Boarding of the Representatives of Alumni Associations) (OBSC: Onboard Ship Conference)

(1) ຈຸດປະສົງ (Purpose)

SSEAYP International (SI) ແມ່ນປະກອບດ້ວຍ Alumni Association ຂອງ SSEAYP ຈາກ 10 ປະເທດອາຊີຕະເວັນອອກສ່ຽງໃຕ້ ແລະ ຍີ່ປຸ່ນ ເພື່ອສົ່ງເສີມຄວາມເປັນເອກະພາບ ແລະ ການຮ່ວມມືຢ່າງກ້າວໜ້າລະຫວ່າງສະມາຄົມດ້ວຍກັນ. ສະນັັ້ນ, OBSC alumni association ຂອງແຕ່ລະປະເທດທີ່ເປັນສ່ວນໜຶ່ງຂອງ SI ແມ່ນຈະໄດ້ຮັບການເຊື້ອເຊີນໃຫ້ເຂົ້າຮ່ວມໂຄງການເດີນທະເລອາຊຽນ-ຍີ່ປຸ່ນ ຄັ້ງທີ 45 ປະຈຳປີ 2018 (SSEAYP 2018) ເພື່ອຂຶ້ນເຮືອ (ຈາກປະເທດສຸດທ້າຍທີ່ເຮືອລົງຈອດ ຈົນເຖິງໂຕກຽວ) ແລະ ຫຼັງຈາກນັ້ນກໍຈະພັກຢູ່ທີ່ໂຕກຽວຕາມໄລຍະເວລາທີ່ໄດ້ກໍານົດໄວ້. OBSC ແມ່ນຈະໄດ້ມີການລາຍງານກິດຈະກໍາຕ່າງໆທີ່ SI ມີການເຄື່ອນໄຫວ ພ້ອມດ້ວຍກິດຈະກຳອື່ນໆທີ່ກໍາລັງຈັດຕັ້ງປະຕິບັດໂດຍອະດີດຊາວໜຸ່ມທີ່ເຄີຍເຂົ້າຮ່ວມໂຄງການ (ex-PY) ໃນປະເທດຂອງຕົນໃຫ້ແກ່ຄະນະຊາວໜຸ່ມ (Participating Youth) ຂອງ SSEAYP 2018 ຟັງ. ພ້ອມດຽວກັນນັ້ນ, ກໍຍັງຈະໄດ້ປຶກສາຫາລືກ່ຽວກັບນະໂຍບາຍຂອງ SI ສຳລັບການຈັດຕັ້ງປະຕິບັດໃນປີຖັດໄປ ແລະ ທັງຍັງຈະໄດ້ກະກຽມການຕີພິມຈົດໝາຍຂ່າວ (newsletter) ເຊິ່ງກໍຄື “SSEAYP NEWS”.

(2) ຜູ້ເຂົ້າຮ່ວມ (Participants)

ຕົວແທນ 1 ຄົນ ມາຈາກແຕ່ລະ Alumni Association ຂອງປະເທດ Brunei Darussalam, Cambodia, Indonesia, Lao P.D.R., Malaysia, Myanmar, the Philippines, Singapore, Thailand, Viet Nam ແລະ Japan. ລວມທັງໝົດ ແມ່ນມີ OBSC 11 ຄົນ.

(3) ໄລຍະເວລາ (Period)

ຕັ້ງແຕ່ວັນທີ 3 ທັນວາ 2018 (ວັນຈັນ) ຈົນເຖິງ 15 ທັນວາ 2018 (ວັນເສົາ).

(4) ກິດຈະກຳຕ່າງໆ (Activities)

a) OBSC ແມ່ນຈະປຶກສາຫາລືກັນພາຍໃນເຮືອກ່ຽວກັບກິດຈະກຳທີ່ກຳລັງດຳເນີນໃນປັດຈຸບັນ ແລະ ກຳລັງຈະເກີດຂຶ້ນໃນອະນາຄົດຂອງ SI.

b) OBSC ແມ່ນຈະມີກອງປະຊຸມຮ່ວມກັບຜູ້ນໍາພາເຮັດກິດຈະກໍາສົນທະນາຫົວຂໍ້ວິຊາການ (Facilitator) ເພື່ອທີ່ຈະຮັບຟັງເອົາໄອເດຍຕ່າງໆ ແລ້ວມາປັບໃຊ້ຢູ່ໃນວຽກງານເຄື່ອນໄຫວຫຼັງຈົບໂຄງການ (Post-Program Session).

c) OBSC ແມ່ນຈະຕ້ອງຈັດກິດຈະກຳດັ່ງຕໍ່ໄປນີ້ໃຫ້ແກ່ PY ຂອງ SSEAYP ຄັ້ງທີ 45 ໃນລະຫວ່າງ Post-Program Session:

i. ແນະນຳເລື່ອງລາວຕ່າງໆກ່ຽວກັບ SI, ພາລະກິດ, ເປົ້າໝາຍ ແລະ ກິດຈະກຳຕ່າງໆ ເພື່ອໃຫ້ PY ລົງເລິກຄວາມເຂົ້າໃຈຕໍ່ກັບ SI ແລະ ທັງຍັງກະຕຸ້ນເຂົາເຈົ້າໃຫ້ເຂົ້າຮ່ວມ ຫຼື ຈັດຕັ້ງປະຕິບັດກິດຈະກຳຫຼັງຈົບໂຄງການ (post-program activity) ພາຍໃຕ້ການຊີ້ນຳຂອງ Alumni Association ຂອງຕົນເອງ ຫຼື SI.

ii. ແນະນຳກ່ຽວກັບສະຖານະຂອງການຈັດຕັ້ງປະຕິບັດ ແລະ ໝາກຜົນຂອງ Action Plan ທີ່ໄດ້ປຶກສາຫາລື ແລະ ກະກຽມໂດຍ PY ປີກ່ອນໆ ເພື່ອໃຫ້ PY ລຸ້ນປັດຈຸບັນເຫັນພາບໄດ້ຊັດເຈນຍິ່ງຂຶ້ນກ່ຽວກັບກິດຈະກຳ post-program ວ່າຈະລົງມືແນວໃດໃຫ້ເໝາະຕາມເງື່ອນໄຂຂອງຊຸມຊົນຕົນ.

iii. PY ແມ່ນຈະຕ້ອງລົງເລິກຄວາມເຂົ້າໃຈຂອງຕົນກ່ຽວກັບ SSEAYP Alumni Association ແລະ ກິດຈະກຳຕ່າງໆໃນປະເທດຂອງຕົນເອງ ແລະ ພ້ອມກັບການຮ່ວມມືກັບ NL ແມ່ນຈະມີການກະກຽມ Action Plan ເຊິ່ງຈະໄດ້ມີການຈັດຕັ້ງປະຕິບັດກິດຈະກຳ post-program ໃນປະເທດ ຫຼື ຊຸມຊົນຂອງຕົນ. ໜັງສືສະເໜີ Action Plan (proposal) ແມ່ນຕ້ອງລະບຸວັນທີທີ່ແນ່ນອນຂອງແຕ່ລະກິດຈະກຳ ເພື່ອທີ່ຈະໄດ້ລາຍງານຢູ່ທີ່ວາລະຖາມຄຳຖາມເຈາະຈິ້ມ (Debriefing Session).

d) OBSC ຂອງ Alumni Association ຂອງຍີ່ປຸ່ນ ເຊິ່ງແມ່ນ ອົງກອນຂອງໂຄງການແລກປ່ຽນຊາວໜຸ່ມນາໆຊາດ (International Youth Exchange Organization (IYEO)) ແມ່ນຈະຮຽບຮຽງບົດຄວາມທັງໝົດເພື່ອຕີພິມໃນ “SSEAYP NEWS” ແລະ ກະກຽມອອກແບບປຶ້ມດັ່ງກ່າວໃນໂຕກຽວ.